ایف آئی اے نےسابق صدرآصف زرداری اور ان کی ہمشیرہ فریال تالپورکا نام اسٹاپ لسٹ میں ڈال دیا جس کے دونوں ملک سے باہر نہیں جا سکتے۔
فاقی تحقیقاتی ادارے نے یہ اقدام شریک چیئرمین پی پی اورہمشیرہ کا نام جعلی اکاؤنٹس ازخود نوٹس کیس میں سپریم کورٹ کے احکامات کے تحت اٹھایا۔
ایف آئی اے کے مطابق اسٹاپ لسٹ میں نام آنے کے بعد آصف زرداری اور فریال تالپور ملک سے باہر نہیں جا سکتے جبکہ کیس میں نامزد دیگر افرادطحٰہ رضا،اسلم رضا،عدیل شاہ راشدی بھی باہر نہیں جا سکیں گے۔
ڈی جی ایف آئی اے نے تمام افراد کو باہر جانے سے روکنے کے احکامات جاری کردیے۔
واضح رہے کہ گزشتہ روز چیف جسٹس نے تمام جعلی بینک اکاؤنٹ ہولڈرز کے نام ای سی ایل میں ڈالنے کے احکامات دیے تھے جس کے بعد ایف آئی اے نے فوری اقدامات کے ممکنہ بیرون ملک روانگی روکنے کے لیے فی الحال ملزمان کے نام اسٹاپ لسٹ میں ڈال دیے ہیں۔
کل کی سماعت
گزشتہ روزسپریم کورٹ میں جعلی بینک اکاؤنٹس ازخود نوٹس کی سماعت کے دوران ڈی جی ایف آئی اے بشیر میمن نے عدالت کو بتایا تھا کہ بینک حکام تحقیقات میں تعاون نہیں کررہے۔ جعلی اکاؤنٹس میں 16سمٹ ،8 سندھ بینک جبکہ 5 ایک اور نجی بینک کے ہیں۔ کل 29 اکاؤنٹس میں آصف زرداری اور فریال تالپور سمیت 7 افراد کے نام 35 ارب سے زائد کی رقم منتقل ہوئی ۔ تاحال صرف ایک اکاؤنٹ کا ریکارڈ ملا ہے۔ زرداری گروپ کو پیسہ مشکوک اکاؤنٹس سے ہی گیا جبکہ ایگروفارمزٹھٹھہ اور انصاری شوگر ملز کو بھی رقم گئی۔ پیسہ جمع کروانےوالےکئی افراد حکومت سےمنسلک ہیں ۔ اکاؤنٹس میں ٹھیکیدار بھی پیسہ جمع کرواتے رہے ۔
چیف جسٹس نے میگا اسکینڈل میں پاناما طرز کی جے آئی ٹی بنانے بنانے کا عندیہ دیتے ہوئےسمٹ بینک ایکوئٹی اکاؤنٹ میں جعلی اکائونٹس سےمنتقل7 ارب منجمند کرنےکا حکم دیا جبکہ ہائی کورٹ سے زیر التوا مقدمات کی تفصیلات ،اسٹیٹ بینک اور ایف آئی اے حکام کو تمام ریکارڈ سمیت طلب کیا۔ اس کے علاوہ تمام جعلی بینک اکاؤنٹ ہولڈراور تینوں نجی بینکوں کے سربراہان اور آصف زردار کے قریبی ساتھی حسین لوائی کو 12 جولائی کو ذاتی حیثیت میں پیش ہونے کا حکم بھی دیا گیا ہے۔
https://www.samaa.tv/urdu/pakistan/2018/07/1189852/
@Verve @Farah Sohail @Shane @BHarwana @Zibago @The Accountant @Guvera @Dil Pakistan @Path-Finder
