کہ خوشی سے مر نہ جانے، گر اعتبار ہوتا ۔ ۔ ۔
رضوان گوندل کے تبادلے کے حوالے سے پنجاب پولیس کی طرف سے پہلا وضاحتی بیان سامنے آگیا جس سے مزید شکوک و شبہات نے جنم لے لیا۔ آئی جی پولیس بتانا پسند فرمائیں گے کہ جس شہری کا ذکر فرمایا، اس کا نام کیا تھا؟ اگر تو وہ خاور مانیکا نہیں ہے تو معاملہ ختم ہوجاتا ہے، لیکن اگر وہ خاور مانیکا ہے تو ایک ہی رات میں ایسا کیا معجزہ ہوگیا کہ یکایک پنجاب پولیس نے شہریوں کی شکایات پر اپنے افسران کے خلاف فوری کاروائیاں کرنا شروع کردیں؟
لاہور کے کسی بھی تھانے، چوکی یا حوالات کا دورہ کرلیں، ہزاروں شہری آپ سے پولیس کی شکایات کرتے نظر آئیں گے، لیکن ان پر تو کاروائی کرتے ہوئے کبھی کسی سپاہی تک کا تبادلہ نہیں ہوتا، تو پھر یہ کون سا معزز شہری تھا کہ جس کی ایک شکایت پر آپ نے ڈی پی او کا تبادلہ کرنے میں دیر نہ لگائی؟
تحریک انصاف کی طرف سے ابھی تک وضاحت نہ آنے کا مطلب بھی یہی سمجھا جائے گا کہ واقعہ درست رپورٹ ہوا ہے، وگرنہ تو پانچ منٹ کا کام تھا کہ فواد چوہدری ایک کال ملا کر خان صاحب کے سیکرٹری سے بات کرتا، سیکرٹری یہ بات خان صاحب کو بتاتا، خان صاحب اپنی بیگم سے تصدیق کرتے، اگر خبر جھوٹی ہوتی تو فوری طور پر فواد چوہدری سے کہہ کر وزارت اطلاعات کی جانب سے ایک پریس ریلیز جاری کروا دی جاتی، پھر اس کے فوراً بعد پی ٹی آئی کے سوشل میڈیا پر اس کی وضاحت جاری ہوجاتی۔
چونکہ ایسا کچھ نہیں ہوا، اس لئے یہ واقعہ درست ہے، اور اگر یہ واقعہ درست ہے تو پھر لکھ دی لعنت بھیجنا بھی عین جائز ہے!!! بقلم خود باباکوڈا
