പുതിയത് കെട്ടൂ.. കമ്പിപ്പാര റെഡിയാക്കൂ
'മുല്ലപ്പെരിയാര്* ഡാം ഡീകമ്മീഷന്* ചെയ്യുന്ന കാര്യത്തില്* വല്ലാതെ തലപുകക്കേണ്ട. പുതിയതൊന്നു കെട്ടിത്തന്നാല്* പഴയത് പൊളിക്കുന്ന കാര്യം ഞങ്ങ നോക്കിക്കോളാം. അതിനു ആ &*^#(**** മാരുടെ സമ്മതമൊന്നും വേണ്ട'' ഇടുക്കിയില്* നിന്നുള്ള ഒരു സുഹൃത്ത് എന്നോട് പറഞ്ഞ ഈ വാക്കുകള്* തന്നെയാണ് എനിക്കും പറയാനുള്ളത്. നിലവിലുള്ള ഡാം പൊളിക്കാന്* കൊന്നാലും അമ്മായി സമ്മതിക്കില്ല. ചര്*ച്ചയും കോടതിയും കേസുകെട്ടുകളുമായി അത് മുന്നോട്ടു പോകും. നമുക്ക് ചെയ്യാനുള്ളത് പെട്ടെന്ന് പുതിയ ഒരു ഡാം കെട്ടുകയാണ്. നമ്മുടെ പുഴ, നമ്മുടെ മണ്ണ്. നമ്മുടെ ഡാം. അതിനു ഒരു മറ്റടവളുടെയും ലവ് ലറ്റര്* കിട്ടാന്* കാത്തു നില്*ക്കേണ്ടതില്ല. കേന്ദ്രനില്* നിന്ന് ഒരു അനുമതി വാങ്ങുക. ടപ്പേന്ന് പണി തുടങ്ങുക
പുതിയ ഡാമിന്റെ പണി തുടങ്ങിയാല്* അമ്മായി ഒന്നയയും. അയയാതെ പറ്റില്ല. പിന്നെ കളി നമ്മുടെ കയ്യിലാവും. വിളിക്കാതെ തന്നെ അമ്മായി ചര്*ച്ചക്ക് വരും. സായിപ്പ് ഉണ്ടാക്കിയ 999 വര്*ഷത്തെ കരാര്* ടോയ്ലെറ്റ് പേപ്പറാക്കി ചന്തി തുടക്കാന്* ഉപയോഗിച്ചിട്ട്* പുതിയ കരാറും വ്യവസ്ഥകളും നമ്മള്* നിശ്ചയിക്കും. ഗ്ലോബല്* ടെണ്ടര്* വിളിച്ചു ഒരു വര്*ഷത്തിനുള്ളില്* പണി തീര്*ക്കാനുള്ള ഉത്തരവാദിത്വം ഞാന്* ഏറ്റെടുക്കുന്നു എന്നാണ് മന്ത്രി ജോസഫ്* പറഞ്ഞിരിക്കുന്നത്. ഒന്നുമില്ലേലും ഒരു ടെണ്ടര്* വിളിച്ചാല്* തന്നെ സ്ഥിതിഗതികള്* മാറിമറിയും. ഇപ്പോഴുള്ള ഡാം പൊട്ടിയാലുള്ള ഭവിഷ്യത്ത് ഓര്*ത്തിട്ടാണ് ജനങ്ങള്* അതിനു മേല്* കൈ വെക്കാത്തത്. പക്ഷെ ഒരു പുതിയ ഡാം വന്നു കഴിഞ്ഞാല്* പിന്നെ ആ പേടിയുണ്ടാവില്ല. ഇടുക്കി ജില്ലയിലെ എല്ലാ വീടുകളിലും നല്ല കമ്പിപ്പാര കാണും. അധ്വാനിച്ചു ജീവിക്കുന്ന ആളുകളാണ് അവിടെയുള്ളത്. ഒറ്റ രാത്രിയുടെ പണിയേ വേണ്ടൂ. അമ്മായി രാവിലെ കക്കൂസില്* പോകുന്നതിനു മുമ്പ് തന്നെ ഡാമിന്റെ പണി കഴിഞ്ഞിരിക്കും. അല്പം തന്ത്രപരമായി നീങ്ങിയില്ലെങ്കില്* ഇന്നത്തെ കാലത്ത് ജീവിക്കാന്* പാടാണ്. ആ ഒരു തന്ത്രം നമ്മള്* ഇപ്പോള്* എടുത്തില്ലെങ്കില്* അണ്ണന്മാര്* നമ്മളെ ക്ഷ.. ണ്ണ.. ങ്ങ.. മ്മ വരപ്പിക്കും. ഡല്*ഹിയില്* പോയി വരുന്നതിന്റെ വണ്ടിക്കൂലി പോയിക്കിട്ടും എന്നല്ലാതെ ഈ ചര്*ച്ചകള്* കൊണ്ടൊന്നും വലിയ ഗുണം ഉണ്ടാകുമെന്ന് തോന്നുന്നില്ല. പത്തമ്പത് കൊല്ലമായില്ലേ ഈ ചര്*ച്ചയും കൊണ്ട് നടക്കുന്നു!!!.
ചര്*ച്ചകള്* എല്ലാം നിര്*ത്തിവെക്കണം എന്നല്ല പറയുന്നത്. അത് ഒരു ഭാഗത്ത് നടക്കട്ടെ. പ്രക്ഷോഭങ്ങളുടെ ഫലമായി ഇപ്പോള്* കേരളത്തിനു ലഭിച്ചിട്ടുള്ള ഒരു മേല്*ക്കോയ്മയുടെ ഗുണം ഉപയോഗപ്പെടുത്തി വാട്ടര്* ലെവല്* താഴ്ത്തിക്കൊണ്ട് വരാനുള്ള ശ്രമം തുടരുക. അതുവഴി ഡാമിന്റെ പ്രഷര്* കുറയ്ക്കുക. ഒരു ദുരന്തം ഉണ്ടായാലും അതിന്റെ വ്യാപ്തി കുറക്കാന്* നമുക്ക് അതുകൊണ്ട് സാധിച്ചു എന്ന് വരാം. അതോടൊപ്പം പുതിയ ഡാമിന് തറക്കല്ലിടുക. ഈ പോളിസി കൊണ്ട് ഒരു ഗുണമുള്ളത് തമിഴനുമായി നമ്മള്* നേരിട്ടൊരു ഏറ്റുമുട്ടലിന് പോകുന്നില്ല എന്നുള്ളതാണ്. നമ്മുടെ കാശ്, നമ്മുടെ മണ്ണ്, നമ്മുടെ പുഴ. നമ്മുടെ ഡാം. പുതിയ ഡാമിന്റെ പണി കഴിഞ്ഞാല്* ഉടന്* നമുക്ക് കമ്പിപ്പാരയുടെ പണി തുടങ്ങാം. മലയാളിയോടാണോ കളി?.
എല്ലാ രാഷ്ട്രീയര്*ക്കാരോടും ഒരഭ്യര്*ത്ഥനയുണ്ട്. ഇതിനിടയില്* വാഴ വെട്ടാന്* നടക്കരുത്. നിങ്ങളുടെ ഒടുക്കത്തെ രാഷ്ട്രീയക്കളികള്* ഈ പ്രശ്നത്തിലെങ്കിലും മാറ്റിവെക്കണം. മുല്ലപ്പെരിയാറില്* മത്സരിച്ചു ബോട്ട് സവാരി നടത്തിയത് കൊണ്ടൊന്നും പ്രശ്നം തീരില്ല. അടിയന്തര നിയമസഭ വിളിച്ചു കൂട്ടി പാസ്സാക്കാനുള്ളത് എന്താണെന്ന് വെച്ചാല്* പാസ്സാക്കി പുതിയ ഡാമിന്റെ പണി തുടങ്ങാനുള്ള ഏര്*പ്പാട് ചെയ്യുക. ചാണ്ടി സാറിന്റെ ജനസമ്പര്*ക്കം നല്ല പരിപാടി തന്നെയാണ്. പക്ഷെ ഇപ്പോള്* അതിനേക്കാള്* അടിയന്തിരമായി വേണ്ടത് ഈ വിഷയത്തില്* ശ്രദ്ധ കേന്ദ്രീകരിക്കുകയാണ്. ജനങ്ങള്* ജീവിച്ചിരിക്കുന്നുണ്ടെങ്കിലേ സമ്പര്*ക്കം നടത്തിയിട്ട് കാര്യമുള്ളൂ. അമ്മക്ക് പ്രസവ വേദന മകള്*ക്ക് വീണ വായന എന്ന് പറഞ്ഞ പോലുള്ള പരിപാടികള്* തത്ക്കാലം നിര്*ത്തിവെക്കുന്നതാണ് നല്ലത്. ഡാമിന്റെ കാര്യത്തില്* ഒരു തീര്*പ്പാക്കിയിട്ടു സമ്പര്*ക്കം തുടരാം.
പുതിയ ഡാം ഉണ്ടാക്കാന്* നമ്മുടെ PWD ക്കാരെ എല്പിക്കരുത്. ഉദ്ഘാടനത്തിന്റെ അന്ന് തന്നെ ഡാം പൊളിഞ്ഞാല്* ആകെ നാറ്റക്കേസാകും. പഴയ സായിപ്പിന്റെ കമ്പനിയെത്തന്നെ പണി ഏല്പിക്കണം. കാശിന്റെ കാര്യം പ്രച്നമാക്കേണ്ട. അത് എങ്ങനേലും ഉണ്ടാക്കാം എന്ന് മാണി സാര്* ഇതിനകം പറഞ്ഞിട്ടുണ്ട്. സര്*ക്കാരിന്റെ കയ്യില്* കാശില്ലെങ്കില്* കാശ് ഞാന്* ഉണ്ടാക്കിത്തരാം എന്ന് വി എസ്സും പറഞ്ഞിട്ടുണ്ട്. ഇനി വേണ്ടത് കേന്ദ്രന്റെ കയ്യില്* നിന്ന് ഒരു ഒപ്പാണ്. ഡല്*ഹിയിലുള്ള അഞ്ചാറു മന്ത്രി കൊണാപ്പന്മാര്*ക്ക് മന്ത്രിമാര്*ക്ക് അതെങ്കിലും വേടിച്ചു തരാന്* കഴിയും എന്നാണെന്റെ വിശ്വാസം. അതിനു കൂടി കഴിയില്ലെങ്കില്* പിന്നെ അവരെയൊക്കെ ചെയ്യേണ്ടത് മുക്കാലിയില്* കെട്ടി അടിക്കുകയല്ല, പിടിച്ചിരുത്തി സന്തോഷ്* പണ്ഡിറ്റിന്റെ സിനിമ നാല് വട്ടം കാണിക്കുകയാണ്. അതിനുള്ള അവസരം അവരായിട്ടു ഉണ്ടാക്കരുത്. ഗുഡ് ബൈ..
